Beth yw Arloesedd a Arweinir gan Her?

​

Mae arloesi a arweinir gan her yn ddull a ddefnyddir i ddarparu atebion arloesol i heriau penodol yn y sector cymdeithasol a chyhoeddus lle nad oes ateb yn bodoli eisoes. Mae’n gysyniad sy’n dod ag ystod eang o gwmnïau mewn rhaglenni sy’n arwain at brosiectau ymchwil a datblygu i gynhyrchu atebion arloesol i heriau mwyaf dybryd y sector cymdeithasol a’r sector cyhoeddus. Mae'r dull arloesi a arweinir gan her yn dechrau gyda pherchennog yr her yn nodi problem yn hytrach na'r ateb ac yna'n gwahodd y gymuned fusnes i helpu i ddatrys yr her a nodwyd trwy broses Ymchwil a Datblygu cystadleuol, yn aml trwy gamau gwahanol. Mae’r dull arloesi a arweinir gan her yn galluogi busnesau i ddod o hyd i syniadau arloesol a chreadigol nad ydynt wedi’u hystyried o’r blaen gan y sector cyhoeddus neu sefydliadau mwy ac mae’n cynnig proses strwythuredig sy’n caniatáu datblygiad graddol o atebion arloesol. Mae'r broses yn galluogi sefydliadau i gael budd  o wahodd busnesau i ddod o hyd i atebion arloesol i'r heriau cymdeithasol mwyaf tra bod busnesau'n elwa o gyfleoedd newydd i weithio'n agos gyda pherchennog y broblem. Cafwyd amrywiaeth o ddulliau o arloesi a arweinir gan her gan gynnwys gwobrau her, haciau, Mentrau Ymchwil Busnesau Bach, a Chronfeydd her ehangach.